Dan lané 1848, isi Larényon navé apépré 100 000 zabitan.
Si la fin dlané, lo vindésanm, la larg tout lo bann zésklav.
Navé in ta de moun ke té konsidéré konm méb, konm zanimo, dan le bann zabitasyon.
Dan le bann rojis i trouv plis ke 62 000.
Sak i vé dir ke plis la moityé de moun nout péi té i viv an zésklav…
Sé pousa la dat vindésanm lé inportan, é sé pa in fét métis ou sankoi sé pa kél fét…
Lo vindésanm sé la fétkaf.
Fo pa ni oubliy par ousa nou la pasé…